Raşid Meredow we Sergeý Lawrow ýokary derejede geçiriljek türkmen-rus duşuşygy barada gürrüň etdiler
Türkmenistanyň daşary işler ministri Raşid Meredow Russiýa Federasiýasynyň daşary işler ministri Sergeý Lawrow bilen ýokary derejedäki ikitaraplaýyn duşuşygyň taýýarlanylyşynyň barşyny hem-de hyzmatdaşlygyň beýleki meselelerini gürleşdiler.
Duşenbe güni geçirilen telefon arkaly söhbetdeşlikde ministrler şu ýyl Türkmenistanda geçiriljek VI Hazar sammitini guramak baradaky meselelere hem garadylar diýip, türkmen DIM-niň metbugat gullugy habar berýär.
Prezident Serdar Berdimuhamedowyň Russiýa Federasiýasyna boljak resmi sapary Raşid Meredowyň RF-niň hökümetiniň başlygynyň orunbasary Alekseý Owerçuk bilen bolan telefon arkaly söhbetdeşliginiň dowamynda-da ara alnyp maslahatlaşyldy.
Ykdysady hyzmatdaşlyk boýunça türkmen-rus Hökümetara toparynyň iki tarapynyň ýolbaşçylary döwletara hyzmatdaşlygyny mundan beýläk-de ösdürmek barada hem pikir alyşdylar.
ORIENT news
