Maý aýynda TDHÇMB-da suwuklandyrylan gaz iň uly islege eýe boldy
2022-nji ýylyň maý aýynda Türkmenistanyň Döwlet haryt-çig mal biržasynda umumy bahasy $195.2 millionlyk daşary söwda geleşiginiň 162-si baglaşyldy diýip, ORIENT-iň habarçysy habar berýär.
Suwuklandyrylan gaz iň uly islege eýe boldy. daşary ýurtly telekeçiler TDHÇMB-da jemi $13,6 milliona suwuklandyrylan tebigy gazyň 28 müň tonnasyny satyn aldylar, harydyň bir tonnasynyň ortaça bahasy $487,45 deň boldy.
11-nji maýda, suwuklandyrylan tebigy gaza dellallar $520.80 teklip edeninde, haryt iň gymmat bahasyna ýetdi. 20-nji maýda alyjylar türkmen suwuklandyrylan tebigy gazy üçin $465 tölemäge taýyn bolanlarynda, gymmatly önümiň iň arzan bahasy boldy.
2022-nji ýylyň maý aýynda TDHÇMB-nyň söwdalarynda suwuklandyrylan tebigy gazyň bahasy
Maý aýynda iň köp satylýan ikinji haryt dizel ýangyjy boldy. Iň ýokary derejesinde onuň bahasy bir tonnasyna $1 120,25 boldy. Bu önüm jemi $21,4 millionlyk 20 müň tonna satyn alyndy.
Şeýle hem maý aýynda söwdalarda L-0.2-62 görnüşli dizel ýangyjy (bir tonnasyna $995,50), TS-1 (bir tonnasyna $1 170,75) we Jet A-1 (bir tonnasyna $1 033,25) görnüşli awiakerosin, polietileniň T60-475-119 (bir tonnasyna $885) we T50-500 (bir tonnasyna $880) görnüşleri, A-92 (bir tonnasyna $1 024,25) görnüşli benzin ekporta satyldy.
ORIENT news
