Türkmenistan Russiýa bilen howa arkaly yzygiderli gatnawy gaýtadan ýola goýdy
Iki ýyldan gowrak wagtdan soň, Aşgabat-Kazan aralygyna gaýtadan dikeldilen ugur boýunça howa arkaly ýolagçy gatnawy amala aşyryldy, munuň şeýledigine Kazanyň howa menziliniň onlaýn-tablosyndaky maglumatlar şaýatlyk edýär.
“Türkmenistan” awiakompaniýasynyň Boing 737-82K uçary Aşgabadyň Halkara howa menzilinden 1-nji iýunda 15:07-de ugrady we Kazanyň Halkara howa menzilinde ýerli wagt bilen 16:18-de gondy. Ýoldaky wagt 3 sagat 11 minut boldy.
Şol gün hem bu howa gämisi Kazan-Türkmenabat ugry boýunça howa arkaly uçuşy amala aşyrar. Kazandan uçmak üçin bellenilen wagt – 18:30, Türkmenabada garaşylýan gelinmeli wagt – 23:30.
Kazana awiaugur üçin petegiň bahasy 8020 manada deňdir. Uçuşlar her hepdäniň çarşenbe güni ýerine ýetiriler. Şeýle hem Türkmenistan BAE-i bilen howa arkaly ýolagçy gatnawyny gaýtadan ýola goýdy.
Türkmenistanda halkara howa gatnawlarynyň ýolagçylary üçin düzgünler bilen şu salgydan tanşyp bolar.
ORIENT news
