Serdar Berdimuhamedow Türkmenistanyň Ýokary kazyýetiniň täze kazysyny belledi
– Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow Çaryguly Ataýewi Türkmenistanyň Ýokary kazyýetiniň kazysy wezipesine belledi – diýip, Türkmenistanyň resmi metbugaty habar berýär.
Ozal Ataýew Aşgabat şäher kazyýetiniň başlygy wezipesini eýeleýärdi. Onuň ýerine Türkmenistanyň Ýokary kazyýetiniň kazysy wezipesinden boşadylan Begenç Hojamgulyýew bellenildi.
Hereket edýän kanunçylyga laýyklykda, Türkmenistanyň Ýokary kazyýeti raýat, arbitraž, administratiw we jenaýat işleriniň seredilişine gözegçilik edýän ýokary kazyýet edarasydyr.
Şeýle-de, türkmen lideriniň permany bilen welaýat we şäher kazyýetleriniň täze kazylary bellenildi. ¬Ygtyýarlyk möhleti tamamlanan kazylar eýeleýän wezipesinden boşadyldy.
ORIENT news
