Nur Ýüpek “Bahar-tomus 2022” atly täze biçüwdäki lybaslaryň görkezilişini gurnady
– Nur Ýüpek brendi Türkmenistanyň Söwda-senagat edarasynda Haly bayramy mynasybetli geçirilen serginiň çäklerinde özüniň täze biçüwdäki lybaslarynyň görkezilişini gurnady – diýip, ORIENT-iň habarçysy habar berýär.
– Biziň brendimiz münberde “Bahar-tomus 2022” atly zenanlaryň hem-de çagalaryň täze biçüwdäki lybaslaryny görkezdi – diýip, Nur Ýüpegiň marketing boýunça menejeri Jemal Ataýewa gürrüň berýär. – Olaryň arasynda gündelik lybaslar bilen bir hatarda, hakyky ýüpek matanyň başga matalar bilen sazlaşykly utgaşmagynda ýerine ýetirilen toý, baýramçylyk dabaralary üçin niýetlenen lybaslar hem bar.
Görkeziliş täze biçüwdäki lybaslaryň köpdürli görnüşlerinden tüýs özüne muwapygyny tapmagy başaran sergä gatnaşyjylarda gyzyklanma döretdi.
Türkmenistanda meşhur bolan Nur Ýüpek brendi taýyn lybaslar bilen bir hatarda, ýokary hilli ýüpek matalary-da hödürleýär. Bu önümler bilen Nur Ýüpegiň Instagramdaky sahypasynda jikme-jik tanyşmak bolar.
ORIENT news
