Gurbanguly Berdimuhamedow Aşgabat şäheriniň gününde paýtagtymyzyň myhmanlary bilen duşuşyk geçirdi
25-nji maýda türkmen parlamentiniň ýokary palatasynyň Başlygy Gurbanguly Berdimuhamedow Aşgabat şäheriniň güni mynasybetli paýtagtymyza gelen daşary ýurtly myhmanlaryň birnäçesi bilen duşuşyklary geçirdi diýip, şu gün resmi metbugat ýazýar.
“Türkmenistan — ABŞ” işewürler ge¬ňeşiniň Ýerine ýetiriji direktory Erik Stýuart we “Nicklaus Companies” kompaniýasynyň Baş ýerine ýetiriji direktory, direktorlar ge¬ňeşiniň agzasy Jon Riz bilen duşuşykda energetika, maliýe ulgamlarynda, oba hojalygynda we sanly ulgamda, sport ugry boýunça hyzmatdaşlygy ösdürmek baradaky meýilnamalar ara alnyp maslahatlaşyldy.
“Interbudmontaž” gurluşyk assosiasiýasynyň müdiriýetiniň başlygy Wladimir Petruk Milli Ge¬ňeşiň Halk Maslahatynyň Başlygy bilen duşuşykda ýolbaşçylyk edýän kompaniýasynyň senagat we raýat ugurly gurluşyklarda Türkmenistan bilen bilelikde täze taslamalara gatnaşmaga gyzyklanma bildirýändigi barada gürrüň berdi.
“Altkom” maliýe-senagat toparynyň direktorlar ge¬ňeşiniň başlygy Aleksandr Tislenko bilen söhbetdeşligiň dowamynda köpüileri gurmakda tejribe alyşmak baradaky meseleler we ulag düzüminiň beýleki desgalaryny gurmagyň mümkinçiligi ara alnyp maslahatlaşyldy.
ORIENT news
