Adam söwdasyna garşy göreş boýunça Iş toparynyň ikinji duşuşygy Aşgabatda geçiriler
BMG-niň Neşe serişdelerine we jenaýatlara garşy göreşmek baradaky Müdirligi we ABŞ-nyň Halkara ösüş agentliginiň (USAID) maliýeleşdirýän “Merkezi Aziýada howpsuz migrasiýa” taslamasy Adam söwdasyna garşy göreş boýunça milli syýasatlary güýçlendirmek” temasyndan garyşyk görnüşde (onlaýn we oflaýn) iki günlük seminar geçirer.
Bu çärä Halkara we milli bilermenler, şeýle-de Türkmenistanyň bu ugur bilen gyzyklanýan wekilleri gatnaşyp, ol 26-27-nji maýda geçer.
Seminaryň dowamynda BMG-niň Neşe serişdelerine we jenaýatlara garşy göreşmek baradaky Müdirliginiň geçiren adam söwdasynyň öňüni almak boýunça kanunçylygyň kanuny derňewinde beýan edilen maslahatlar, halkara we milli bilermenleriň kanunçylygy kämilleşdirmek boýunça taýýarlan teklipleri ara alnyp maslahatlaşylar.
Şeýle-de, duşuşyga gatnaşyjylar adam söwdasynyň öňüni almak boýunça öňdebaryjy tejribeler bilen paýlaşarlar we Özbegistan bilen Gazagystanyň bu ugurda toplan tejribesi bilen tanyşarlar.
Mundan başga-da, BMG-niň Neşe serişdelerine we jenaýatlara garşy göreşmek baradaky Müdirliginiň adam söwdasynyň öňüni almak boýunça kanunçylygyň kanuny derňewi baradaky hasabaty ara alnyp maslahatlaşylar.
“Adam söwdasyna garşy göreş boýunça milli syýasatlary güýçlendirmek” ady bilen ilkinji seminar 15-16-njy martda geçirilipdi.
ORIENT news
