TDHÇMB-niň söwdalary: BAE we Gyrgyzystan nah ýüplük satyn aldylar
Duşenbe güni 23-nji maýda Türkmenistanyň Döwlet haryt-çig mal biržasynyň söwdalarynda daşary ýurda nah ýüplük ugratmak üçin $471,5 müň we 1,5 million manatlyk geleşikleriň 4-si baglaşyldy diýip, ORIENT-iň habarçysy habar berýär.
Önümi BAE-niň we Gyrgyzystanyň işewürleri satyn aldylar. Dokma senagaty ministrliginiň kärhanalarynda öndürilen nah ýüplükleriň dürli görnüşleriniň jemi 176 müň tonnasy eksporta satyldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
ORIENT news
