TDHÇMB-niň söwdalary: Beýik Britaniýa Jet A-1 görnüşli awiakerosin satyn aldy
Şenbe güni, 21-nji maýda Türkmenistanyň Döwlet haryt-çig mal biržasynyň söwdalarynda Beýik Britaniýanyň wekili Jet A-1 görnüşli awiakerosiniň 5 müň tonnasyny satyn aldy diýip, ORIENT-iň habarçysy habar berýär.
Harydyň bahasy bir tonnasy üçin $1 033,25 kesgitlendi. Geleşigiň umumy bahasy $5,1 million deň boldy.
Jet A-1 görnüşli awiakerosin howa ulaglaryna niýetlenilen çuňňur arassalanan ýangyç bolup, Ýewropanyň, ABŞ-nyň we Kanadanyň raýat awiasiýalarynyň howa gämileriniň gazturbinaly hereketlendirijilerinde ulanylýar. Önümçilik 2021-nji ýylda Türkmenbaşydaky NGIZ toplumynda ýola goýuldy.
Duşenbe güni, 23-nji maýda söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
ORIENT news
