TDHÇMB-niň söwdalary: suwuklandyrylan gazyň bir tonnasynyň bahasy $465 ýetdi
Anna güni, 20-nji maýda Türkmenistanyň Döwlet haryt-çig mal biržasynyň söwdalarynda umumy bahasy $4,6 million we 540,2 million manat bolan geleşikleriň 35-si baglaşyldy diýip, ORIENT-iň habarçysy habar berýär.
Suwuklandyrylan gazyň bahasy mundan öňki söwdalardaky bilen deňeşdirilende, 1,2% peseldi we bir tonnasy $465 deň boldy. BAE-niň, Türkiýäniň, Özbegistanyň we Owganystanyň telekeçileri umumy bahasy $4,6 million bolan türkmen suwuklandyrylan gazynyň jemi 10 müň tonnasyny satyn aldylar.
Russiýadan gelen wekil $33 müň tekiz reňklenen we žakkard tüýjümek önümleri satyn almaga geleşik baglaşdy. BAE-niň, Türkiýäniň, Özbegistanyň we Owganystanyň işewürleri 221,8 müň manatyk elde dokalan halylaryň dürli görnüşlerini satyn aldylar.
Içerki bazarda ýerli telekeçiler umumy bahasy 540 million manada deň bolan 80 müň tonna( tonnasy 6 750 manat) tehniki kükürdi hem-de 38,1 müň manatlyk el halylaryny satyn aldylar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
ORIENT news
