TDHÇMB-niň söwdalary: içerki bazarda polietilen we el halylary satyldy
Penşenbe güni, 19-njy maýda Türkmenistanyň Döwlet haryt-çig mal biržasynda umumy bahasy 96,3 million manatlyk geleşikleriň 4-si baglaşyldy diýip, ORIENT-iň habarçysy habar berýär.
Içerki bazarda ýerli işewürler T60-475-110 görnüşli ýokary dykyzlykly polietileniň (tonnasy 18 müň manatdan) jemi 5,2 müň tonnadan gowragyny satyn aldylar. Baglaşylan geleşikleriň umumy bahasy 96,2 million manada barabar boldy.
Şeýle hem ýerli işewürler 35,8 müň manatlyk elde dokalan halylaryň dürli görnüşlerini satyn aldylar.
Şu gün (20-nji maýda) söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
ORIENT news
