Eýran we Türkmenistan elektroenergiýa söwdasynyň giňeldilmegini ara alyp maslahatlaşdylar
Eýranyň suw üpjünçiligi we lagym suwlaryny sowmak baradaky meseleler boýunça energetika ministriniň orunbasarynyň ýolbaşçylygyndaky Energetika ministrliginiň wekiliýeti suw we elektrik energiýasy babatda hem-de ony ösdürmegiň ýollary boýunça eýran-türkmen hyzmatdaşlygyny ara alyp maslahatlaşmak üçin Aşgabada geldi.
Eýranyň energetika ministriniň orunbasary Mohammad Jawanbaht Türkmenistanyň energetika ministriniň orunbasary Serdar Saparow bilen duşuşyp gepleşikleri geçirdi hem-de edaralaryň ikitaraplaýyn gatnaşyklaryny işjeňleşdirmegiň mümkinçilikleri barada gürrüň etdiler diýip, Mehrnews habar berýär.
Taraplar elektroenergetika ulgamynda gatnaşyklary mundan beýläk-de giňeltmäge özara gyzyklanma bildirdiler hem-de inženerçilik-tehniki hyzmatlaryň alyşylmagynyň giňeldilmegi barada ylalaşdylar. Şonuň esasynda geljegi uly taslamalar bilen ýerinde tanyşmak üçin Türkmenistanyň Energetika ministrliginiň wekiliýetiniň ýakyn wagtda Eýrana saparyny guramak barada çözgüt kabul edildi.
ORIENT news
