Aşgabadyň botanika bagynda çagalar baýramçylygy geçiriler
Çagalary goramagyň Halkara gününe bagyşlanylan baýramçylyk konserti 21-nji maýda Aşgabatda geçiriler. Şäheriň botanika bagynyň içindäki howzuň töweregindäki owadan meýdança konsert sahnasy bolar. Şonda türkmen artistleri, Maýa Kulyýewa adyndaky türkmen milli konserwatoriýasynyň hem-de Türkmen oba hojalyk uniwersitetiniň talyplary çykyş ederler.
Myhmanlar Konserwatoriýanyň orkestriniň hem-de ýaş sazandalaryň ýerine ýetirmeginde çagalaryň tanaýan we söýgili meşhur Disneý multfilmlerinden, şeýle-de, türkmen we daşary ýurt ertekilerinden aýdymlary hem-de sazlary diňläp bilerler.
Baýramçylygyň maksatnamasynda “Şatlyk” çagalar tans toparynyň çykyşlary bar, teatryň artistleri bolsa şol gün kitaplardaky we multfilmlerdäki meşhur gahrymanlara “öwürlip”, çagalar bilen oýun ýaryşlaryny, özüne çekiji bäsleşikleri hem-de gyzykly bilim bäsleşiklerini geçirerler. Guramaçylar isleg bildirýänleriň hemmesini baýramçylyk çäresine gatnaşmaga çagyrýar.
ORIENT news
