TDHÇMB-niň söwdalary: BAE-niň telekeçileri nah ýüplük satyn aldylar
Duşenbe güni, 16-njy maýda Türkmenistanyň Döwlet haryt-çig mal biržasynyň söwdalarynda $174,2 müň we 17,4 million manada barabar bolan geleşikleriň 10-sy baglaşyldy diýip, ORIENT-iň habarçysy habar berýär.
BAE-niň telekeçileri $ 174,2 müň (1 kilogramy üçin $3,30) hem-de 557,5 müň manatlyk (1 kilogramy üçin 43,75 TMT) towly nah ýüplük satyn almaga geleşik baglaşdylar.
Içerki bazarda ýerli işewürler 16,8 million manatlyk (bir tonnasy üçin 18 müň TMT) Т60-475-119 görnüşli ýokary dykyzlykly polietilen we 52 müň manatlyk elde dokalan halylaryň dürli görnüşlerini satyn aldylar.
Şu gün (17-njy maýda) söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
18-nji maýda Türkmenistanyň Konstitusiýa we Döwlet baýdagynyň Gününiň baram edilýändigi bilen baglylykda, TDHÇMB-da söwdalar geçirilmez.
ORIENT news
