TDHÇMB-niň söwdalary: hepdäniň dowamynda suwuklandyrylan gazyň we dizel ýangyjynyň bahalary aşak düşdi
Geçen hepdede Türkmenistanyň Döwlet haryt-çig mal biržasynyň söwdalarynda umumy bahasy $29,2 million we 182 million manatdan gowrak geleşikleriň 48-si baglaşyldy diýip, ORIENT-iň habarçysy habar berýär.
Suwuklandyrylan gazyň bahasy aňyrky hepdäniň has ýokary bahasy bilen deňdeşdirilende 4,4% pese düşdi hem-de tonnasy üçin baha $471-a deň boldy.
Suw bilen arassalanan dizel ýangyjy 6,8% arzanlady we tonnasynyň bahasy $1042 boldy.
Şeýle hem geçen hepdede tonnasy üçin $995,50-dan L-0,2-62 görnüşli dizel ýangyjy hem-de tonnasyna $40-dan portlantsement we kilogramynyň bahasy $5,50-dan boýalan tüýjümek önümler ýerlenildi.
Içerki bazarda geçen hepdede nebit koksy, bitum we esaslyk ýaglar, tehniki kükürt, ýokary dykyzlykly polietilen hem-de elde dokalan halylar islegden peýdalandy.
Şu gün (16-njy maýda) söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
18-nji maýda Türkmenistanyň Konstitusiýa we Dşwlet baýdagynyň Gününiň baýram edilýändigi bilen baglylykda, TDHÇMB-da söwdalar geçirilmez.
ORIENT news
