Türkmenistanyň ýolbaşçylary BAE-niň täze Prezidentiniň saýlanmagy bilen gutladylar
Türkmenistanyň Prezidenti Serdar Berdimuhamedow we türkmen parlamentiniň ýokarky palatasynyň Başlygy Gurbanguly Berdimuhamedow şeýh Mohammed bin Zaýed Al Nahaýýanyň adyna onuň Birleşen Arap Emirlikleriniň Prezidenti wezipesine saýlanylmagy mynasybetli gutlag hatlaryny iberdiler diýip, şu gün resmi türkmen metbugaty ýazýar.
Türkmenistanyň Baştutany telegrammasynda ýurtda BAE bilen doganlyk gatnaşyklaryna ýokary baha berilýändigini belledi hem-de bilelikdäki tagallalar arkaly döwletleriň arasyndaky gatnaşyklaryň ösdürilmeginiň dowam etdiriljekdigine ynam bildirdi.
Milli Geňeşiň Halk Maslahatynyň Başlygy hatynda Türkmenistanyň we BAE-niň köptaraplaýyn gatnaşyklarynyň netijeliligi bilen tapawutlanýandygyny nygtady we gatnaşyklaryň iki ýurduň halklarynyň bähbidine ösdürilmeginiň dowam etdiriljekdigine ynam bildirdi.
ORIENT news
