Aşgabadyň şäher awtobuslaryndaky gatnaw üçin indi bank karty bilen hem töläp bolar
Maý 14, 2022 | 22:27 |23429
Paýtagtymyzyň jemgyýetçilik ulaglarynda gatnawlar üçin indi Türkmenistanyň ähli banklarynyň “Altyn asyr” we “Maşgala” kartlary arkaly töleg geçirip bolar. Täze hyzmaty “Türkmenawtoulaglary” agentligi işe girizdi.
Hyzmat ähli şäher awtobuslarynda elýeterlidir – ýolagçylar galtaşyksyz tölegi kabul edýän NFC plastik kartlary ulagyň öňdäki gapysynyň ýanynda ornaşdyrylan enjama (walidatora) degrip, töläp bilerler. Işleýän bank kartynyň hasabynda pul serişdeleriniň ýeterlik möçberi (bir gatnaw üçin kesgitlenen nyrhdan az bolmadyk) bolmalydyr.
Taslama ulag ulgamyny sanlylaşdyrmak we ýurdumyzyň ilatyna hödürlenilýän hyzmatlaryň hilini ýokarlandyrmak baradaky maksatnamanyň çäklerinde işe girizildi.
ORIENT news
