TDHÇMB-niň söwdalary: türkmen işewürleri nebit önümlerini we el halylaryny satyn aldylar
Anna güni, 13-nji maýda Türkmenistanyň Döwlet haryt-çig mal biržasynda umumy bahasy 19,2 million manatlyk geleşikleriň 8-si baglaşyldy diýip, ORIENT-iň habarçysy habar berýär.
Ýerli işewürler 9,2 million manada T60-475-199 görnüşli ýokary dykyzlykly polietileniň 515 tonnasyny hem-de 10 million manada SN-350 görnüşli esaslyk ýagyň 1 müň tonnasyny satyn aldylar.
Şeýle hem telekeçiler 25,4 müň manatlyk el halylaryny satyn aldylar.
Şu gün (14-njy maýda) söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
ORIENT news
