TDHÇMB-nyň söwdalary: suwuklandyrylan gazyň bahasy 5% -den gowrak ýokarlandy
Çarşenbe güni, 11-nji maýda Türkmenistanyň Döwlet haryt-çig mal biržasynyň söwdalarynda dellallar suwuklandyrylan türkmen gazy üçin $ 520,80 teklip etdi diýip, ORIENT-iň habarçysy habar berýär. Önümiň bahasy öňki söwdalar bilen deňeşdirilende 5,4% ýokarlandy.
$ 4,1mln. suwuklandyrylan gazy eksport etmek üçin jemi 16 geleşik baglaşyldy. Owganystandan gelen telekeçiler bu önümiň 6,7 müň tonnasyny satyn aldylar. Özbegistandan gelen telekeçiler 260,4 tonna suwuklandyrylan gazy satyn almak barada şertnama baglaşdylar. Şeýle şertnamalary Türkiýäniň we Birleşen Arap Emirlikleriniň wekilleri hem baglaşdylar.
Içerki bazarda türkmen telekeçileri 21,5 müň manatlyk, el halylaryny satyn almak üçin 4 şertnama baglaşdylar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu saýtynda tanşyp bilersiňiz.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
ORIENT news
