Aşgabadyň Kubogy ugrunda futbol ýaryşynyň iki tapgyryndan soň, “Altyn Asyr” öňde
Çarşenbe güni, 11-nji maýda Aşgabadyň Kubogy ugrunda futbol ýaryşynyň çäklerinde iki oýun geçirildi. Netijede, “Altyn Asyr” “Ahalyň” ýaşlar düzümini 3:1 hasabynda ýeňdi, “Aşgabat” we “Köpetdag” bolsa bir-biregiň derwezesine bir pokgiden geçirip, deň oýnadylar.
Iki tapgyrdan soň, “Altyn Asyr” futbol topary ýaryş tertipnamasynda 6 utugy bilen öňdeligi eýeleýär. Onuň yzýanynda barýan “Köpetdag” 2 utuk aşakda, “Aşgabadyň” oýunçylary bir utuk bilen 3-nji orny eýeleýär.
Aşgabadyň Kubogy ugrunda futbol ýaryşynyň üçünji tapgyrynyň duşuşyklary 13-nji maýda geçiriler: “Ahal II” “Aşgabat” bilen, “Köpetdag” bolsa “Altyn Asyryň” öňdeligine bäs gelmäge synanyşar.
Kubok ugrunda ýaryşa gatnaşýan toparlaryň ýaryşyň deslapky tapgyrynda iki aýlaw oýun geçirjekdiklerini ýatladýarys. Şol oýunlaryň netijeleri boýunça ilkinji iki orny eýelän toparlar ýaryşyň finalynda duşuşarlar. Beýleki iki topar hormat münberiniň üçünji basgançagyna mynasyp bolmak ugrundaky duşuşykda güýçlini mälim eder.
Aşgabadyň Kubogy ugrunda futbol ýaryşynyň hemme oýunlaryna paýtagtymyzyň eminler topary tarapyndan hyzmat edilýär.
ORIENT news
