Aşgabat nusgasy MA döwletleriniň we Russiýanyň özara hereketleriniň täze meýdançasy bolar
Merkezi Aziýa döwletleriniň we Russiýanyň parlamentara hyzmatdaşlygynyň täze meýdançasy “Aşgabat nusgasy” adyny alar, onuň Sekretariaty bolsa Türkmenistanyň paýtagtynda ýerleşer.
Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň bu başlangyjyny MA döwletleriniň we Russiýanyň Parlamentara forumynyň Aşgabat jarnamasy berkitdi.
Täze nusganyň çäklerinde taraplar kanunçykaryjylyk, saglygy goraýyş we howanyň üýtgemegi babatda hyzmatdaşlyga aýratyn üns bererler.
Merkezi Aziýa döwletleriniň we Russiýanyň ilkinji parlamentara forumynyň çäklerinde Aşgabatda Türkmenistanyň Milli Geňeşiniň Halk Maslahaty RF-niň Federal Ýygnagynyň Federasiýa Geňeşi we Täjigistan Respublikasynyň Oli Majlisiniň Milli Majlisi bilen hyzmatdaşlyk etmek hakynda ylalaşyga gol çekildi.
ORIENT news
