Aşgabadyň Kubogy ugrunda futbol ýaryşynyň ilkinji oýunlary tamamlandy
Şu gün oýunlaryň ikisiniň geçirilmegi bilen Aşgabadyň Kubogy ugrunda futbol ýaryşyna badalga berildi. Birinji tapgyryň ilkinji oýnunda “Altyn Asyr” uly hasap bilen “Aşgabady” ýeňdi – 5:2. Beýleki duşuşykda “Köpetdag” “Ahalyň” ýaşlar düzüminden 2:0 hasabynda üstün çykdy.
“Altyn Asyryň” “Aşgabat” bilen duşuşygynda aragatnaşykçylarda -- Nurmyrat Rozyýew, Begmyrat Baýow, Myrat Annaýew, Altymyrat Annadurdyýew hem-de Myrat Ýakşiýew tora pökgi saldylar we “Aşgabadyň” oýunçysy – Merdan Gurbanow iki gezek gol geçirmek bilen tapawutlandy.
Aşgabadyň Kubogy ugrunda futbol ýaryşynyň ikinji oýnunyň ýeňijisi – “Köpetdag” toparynda Batyr Berdiýew we Ýazgylyç Gurbanow pökgini derwezä geçirdiler.
Ýaryşyň ähli oýunlaryna Aşgabadyň eminleri hyzmat edýärler. Aşgabadyň Kubogy ugrundaky ýaryşyň ikinji tapgyry 11-nji maýda (“Aşgabat” – “Köpetdag” we “Altyn Asyr” – “Ahal II”) geçiriler.
ORIENT news
