Täjigistanyň Parlamentiniň ýolbaşçysy Rustam Emomaliniň Aşgabada sapary başlandy
Çarşenbe güni Aşgabada resmi sapar bilen gelen Täjigistan Respublikasynyň Oli mejlisiniň milli Mejlisiniň başlygy, Duşenbe şäheriniň başlygy Rustam Emomali Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşdy.
Rustam Emomali Gurbanguly Berdimuhamedowy Halk Maslahatynyň Başlygy wezipesinde işläp başlamagy bilen gutlady we oňa Prezident Emomali Rahmonyň doganlyk salamyny hem-de iň oňat arzuwlaryny ýetirdi.
Duşuşykda parlamentara gatnaşyklaryny ösdürmegiň geljegi, söwda-ykdysady, ulag, üstaşyr, medeni-ynsanperwer ulgamlarda iki ýurduň hyzmatdaşlygynyň wajyp ugurlary hem-de halkara we sebit ähmiýetli meseleler ara alnyp maslahatlaşyldy.
2021-nji ýylda haryt dolanyşygynyň möçberiniň ozalky ýyllar bilen deňeşdireniňdäkiden, üç esse artandygy we bu ýagdaýyň şu ýyl hem saklanýandygy kanagatlanma bilen bellenildi. Hususan-da, energetikada, ulag we senagat ulgamlarynda ep-esli ösüş gazanyldy.
Medeni-ynsanperwer gatnaşyklary giňeltmek maksady bilen, iki tarapdan hem bilim talyp haklarynyň möçberini köpeltmek hem-de ýakyn wagtda Täjigistanda Türkmen medeniýet günlerini guramak baradaky meselä garamak teklip edildi.
Şeýle hem Rustam Emomali Mejlisiň başlygy Gülşat Mämmedowa bilen duşuşdy. Duşuşygyň dowamynda ikitaraplaýyn hyzmatdaşlygy ösdürmek, şol sanda parlamentara gatnaşyklaryny giňeltmek baradaky meselelere garaldy.
ORIENT news
