TDHÇMB-niň söwdalary: daşarky bazara portlandsement satyldy
Sişenbe güni, 10-njy maýda Türkmenistanyň Döwlet haryt-çig mal biržasynyň söwdalarynda geleşikleriň 2-si baglaşyldy diýip, ORIENT-iň habarçysy habar berýär.
Gyrgyzystanly telekeçi Türkmenistanyň Senagat we gurluşyk önümçiligi ministrliginiň kärhanasy tarapyndan öndürilen PS 500-G20-K portlandsementiniň 300 tonnasyny almaga şertnama baglaşdy. Geleşigiň bahasy -- $ 12 müň.
Ýerli işewürler “Türkmenhimiýa” DK-niň kärhanasynda öndürilen T60-475-119 görnüşli ýokary dykyzlykly polietileniň 300 tonnasyny satyn aldylar. Şertnamanyň bahasy 5,4 million manada deň boldy.
TDHÇMB-daky söwdalara çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
ORIENT news
