Türkmenistanyň küştçisi grossmeýster boldy
Türkmen küştçisi Meýlis Annaberdiýew küştde iň ýokary ada – grossmeýster derejesine eýe boldy. Bu baradaky çözgüt Abu-Dabi şäherinde şu ýylyň aprel aýynda FIDE-niň Geňeşiniň 1-nji mejlisinde kabul edildi.
Ýaş grossmeýsteriň häzirki derejesi – 2507 utuk (Meýlisiň gatnaşmagyndaky soňky ýaryşyň netijeleri hasaba alynmanda) türkmen küştçileriniň arasynda iň ýokary utuk bolup durýar.
Häzirki wagtda türkmen küşt mekdebiniň wekilleriniň ýedisi grossmeýstrlerdir. Iýul-awgust aýlarynda Türkmenistanyň türgenleriniň Hindistanda Bütindünýä küşt olimpiadasyna gatnaşmagy meýilleşdirilýär, şol ýerde olar öz derejelerini ýokarlandyryp bilerler.
Ýakyn wagtda bolsa erkekleriň we zenanlaryň arasynda küşt boýunça türkmenistanyň çempionaty guralar, şonda ýokarda agzalan olimpiada gatnaşmak üçin iň güýçli oýunçylar saýlanylar.
ORIENT news
