Türkmenistanyň Prezidenti Ysraýylyň ilçisiniň ynanç hatyny kabul etdi
Ysraýylyň Türkmenistandaky täze ilçisi Bet-Iden Kaýt hormatly Prezidentimiz Serdar Berdimuhamedowa ynanç hatyny gowşurdy. Duşuşyk sişenbe güni, 10-njy maýda geçirildi.
Diplomat şeýle hem Ysraýylyň Prezidenti Ishak Gersogyň Serdar Berdimuhamedowa döwlet Baştutanynyň wezipesinde uly üstünlikleri gazanmagy baradaky arzuwlary aýdan salamyny ýetridi hem-de öz ýurdunyň Türkmenistan bilen gatnaşyklaryň ösdürilmegine uly gyzyklanma bildirýändigini tassyklady.
Soňra duşuşygyň dowamynda iki döwletiň hyzmatdaşlygynyň möhüm meselelerine garaldy, şonda söwda we tehnologiýa ulgamy, obasenagat toplumy hem-de suw hojalygy, saglygy goraýyş we ylym esasy ugurlar hökmünde agzaldy.
Serdar Berdimuhamedow hem-de ilçi Kaýt parahatçylyga we ählumumy howpsuzlyga ýardam bermek maksady bilen, BMG-sy bilen birlikde, halkara derejelerinde Türkmenistanyň we Ysraýylyň diplomatik gatnaşyklarynyň wajypdygyny bellediler.
ORIENT news
