OPEK 2026-njy ýylda dünýäde nebite bolan islegiň ösüş çaklamasyny düýpli peseltdi
Nebit eksport edýän ýurtlaryň guramasy — OPEK 2026-njy ýylda dünýäde nebite bolan islegiň ösüşi baradaky çaklamasyny düýpli peseltdi. Öň günde 1,4 million barrel ösüş garaşylan bolsa, täze çaklama 400 müň barrele deňdir.
OPEK-iň Baş sekretary Haýsam Al Gaýs bu barada duşenbe güni Er-Riýadda geçirilen 25-nji WPC Energetika kongresinde aýtdy.
Onuň sözlerine görä, çaklamanyň peseldilmegi dünýä ykdysadyýetindäki çylşyrymly ýagdaýlar we ýylyň dowamynda sarp edişde ýüze çykan üýtgeşmeler bilen baglanyşyklydyr.
Al Gaýs garaşylan islegiň bir böleginiň doly ýitirim bolmandygyny, diňe soňraky döwre süýşürilendigini belledi. OPEK bu ýygnanan islegiň 2027-nji ýylda kem-kemden ýüze çykmagyna garaşýar.
Şeýle hem ol 2050-nji ýyla çenli dünýäde ilkinji energiýa serişdelerine bolan islegiň 23 göterim artmagynyň mümkindigini aýtdy. Onuň bellemegine görä, energetika pudagyna ýeterlik maýa goýulmazlygy eýýäm nebit gaýtadan işleýän pudak ýaly möhüm ugurlara basyş edýär.
CCTV+ habar bermegine görä, OPEK 2026-njy ýylda nebite bolan islegiň ösüşiniň has pes bolmagyna garaşýar, emma yza süýşürilen sarp edişiň bir böleginiň 2027-nji ýylda dikeldilmegini çaklaýar.
