Jibutiniň kenarynda gämi heläkçiliginde azyndan 139 migrant aradan çykdy
Jibutiniň kenarynda gäminiň agdarylmagy netijesinde azyndan 139 migrant aradan çykdy, ýene 84 adam bolsa dereksiz ýitdi. Bu barada ýekşenbe güni Halkara Migrasiýa Guramasy habar berdi.
Gämide jemi 305 adam bolup, ol Jibutiden Ýemene tarap barýarka penşenbeden anna geçilen gije Obok sebitiniň, Gehere we Godoriýanyň golaýynda agdaryldy.
Halkara Migrasiýa Guramasynyň maglumatyna görä, gämide erkekler, aýallar we çagalar bolupdyr. Gözleg we halas ediş işleri dowam edýär, şonuň üçin heläk bolanlaryň sanynyň artmagy mümkin.
Jibutiniň degişli gulluklary dereksiz ýiten adamlary gözlemegi we aradan çykanlaryň jesetlerini tapmagy dowam etdirýärler. BMG-niň migrasiýa gullugynyň maglumatyna görä, takmynan 82 adam halas boldy.
Jibutiniň Gyzyl deňiz kenarynda şeýle pajygaly hadysalar ozal hem birnäçe gezek bolupdy. Gündogar Afrikadan bolan köp migrant Ýemeniň üsti bilen sebitiň beýleki ýurtlaryna ýetmek üçin bu howply deňiz ýolundan geçmäge synanyşýar.
Olaryň köpüsi üçin esasy maksat Ýemeniň demirgazygynda ýerleşýän Saud Arabystanyna ýetmekdir.
CCTV+ habar bermegine görä, Jibutiniň kenarynda gözleg işleri dowam edýär, gämide bolan onlarça adamyň ykbaly bolsa häzirlikçe nämälimligine galýar.
