GDA-nyň Minskdäki meýdançasynda elektroenergetikada täze maýa goýum tapgyrynyň konsepsiýasy işlenip taýýarlanar
Integrasiýa işleriniň ösdürilmegi, tehnologik garaşsyzlygyň pugtalandyrylmagy we Arkalaşyga agza ýurtlaryň energetika pudagynda täze maýa goýum tapgyrynyň başlanmagy 2026-njy ýylyň 27–30-njy oktýabry aralygynda Minsk şäherinde geçiriljek XXX Belarussyň energetika we ekologiýa boçunça ýubileý forumynyň esasy mowzuklary bolar.
Halkara işewürlik maksatnamasynyň esasy wakasy GDA-nyň Elektroenergetika Geňeşiniň başlangyjy bilen geçiriljek «Energetikada özbaşdaklygyň formulasy: ykdysadyýet, integrasiýa, ösüş» atly ýokary derejeli Halkara maslahaty bolar. Çärä GDA agza döwletleriň degişli ministrlikleriniň ýolbaşçylarynyň, Ýewraziýa ykdysady bileleşiginiň, Şanhaý hyzmatdaşlyk guramasynyň (ŞHG) we hyzmatdaş döwletiniň ýolbaşçylygynyň wekilleriniň, şeýle hem sebitiň ulgamy emele getiriji energetika kompaniýalarynyň ýolbaşçylarynyň gatnaşmagy meýilleşdirilýär.
Döwletara dialogyň çäklerinde gatnaşyjylaryň esasy ünsi dünýäde ýokary derejeli näbellilik şertlerinde milli energetika ulgamlaryny goldamagyň amaly mehanizmlerini işläp taýýarlamaga gönükdiriler. Çekişmäniň merkezinde «GDA-nyň elektroenergetikasynda ösüş guşagy» başlangyjynyň konsepsiýasy, dolandyryş ulgamlarynyň täze ykdysady hakykatlara uýgunlaşdyrylmagy we iri pudaklaýyn taslamalara maýa goýumlaryny çekmek üçin sanly maliýe gurallarynyň ulanylmagy bolar.
Ýubileý forumynyň maksatnamasy Arkalaşyga girýän ýurtlaryň ýangyç-energetika toplumynyň geljegini kesgitleýän ýöriteleşdirilen ugurlary hem öz içine alar. Olaryň hatarynda energetikada emeli aňyň ulanylmagy, elektrik ulaglarynyň ösdürilmegi, ekologiýa howpsuzlygynyň ýokarlandyrylmagy we ýokary hünärli inženerçilik işgärleriniň taýýarlanmagy boýunça maslahatlar bar.
