Dünýäde ilkinji gezek ýaşuly adamlaryň sany bäş ýaşyna ýetmedik çagalaryň sanyndan geçdi
Synaglaryň taryhynda ilkinji gezek 65 ýaş we ondan uly adamlaryň sany bäş ýaşyna ýetmedik çagalaryň sanyndan ýokary boldy. ABŞ-nyň Ilaty ýazuw býurosynyň hasabatyna salgylanyp «Axios» neşiriniň habar bermegine görä, bu global demografik üýtgeme dogluş derejesiniň peselmegi we ömrüň dowamlylygynyň artmagy netijesinde ýüze çykdy.
Bilermenleriň çaklamalaryna görä, planetadaky ýaşuly adamlaryň sany 2025-nji ýyldaky 852 million adamdan 2060-njy ýyla çenli 2 milliard ada ýeter, şol wagt Ýer ýüzüniň umumy ilaty 10,23 milliard adama deň bolar. Amerikan telekeçilik institutynyň analitikleri 2026-njy ýylda dünýäde çaga dogluş koeffisiýentiniň ilkinji gezek ilatyň ýönekeý köpelmegi üçin zerur derejeden aşak düşendigini belleýärler. Çaga dogluşynyň uzak möhletleýin peselmegi öwrenilen 236 ýurduň 219-synda bellige alyndy.
Demografik inersiýa sebäpli ilatyň ösüşi haýallanmagyny dowam eder. Barlaglara görä, ilatyň sanynyň 9 milliard adamlyk iň ýokary derejesine 2056-njy ýylda ýetmek mümkindir, şondan soň peselip başlamagy ähtimal. Şol bir wagtyň özünde, BMG-niň esasy çaklamasy 2084-nji ýyla çenli takmynan 10,3 milliard adamlyk has giçki ýokary derejesini göz öňünde tutýar.
ORIENT
