Stambulda 12-nji halkara öý haýwanlary harytlarynyň «PETZOO Eurasia 2026» sergisi geçiriler
7–10-njy oktýabr aralygynda Stambul sergi merkezinde öý haýwanlary üçin harytlaryň, materiallaryň we aksessuarlaryň üpjün edijileriniň 12-nji halkara sergisi — «PETZOO Eurasia 2026» bolar. Bu Türkiýedäki iň uly ýöriteleşdirilen söwda platformasy we ýeke-täk halkara zoosenagat sergisidir.
Guralyp başlanan wagtyndan bäri 14 ýylyň dowamynda bu çäre Ýewraziýa sebitiniň esasy söwda merkezi hökmünde özüni görkezdi. Işlän ýyllarynyň dowamynda sergi 50 ýurtdan müňden gowrak gatnaşyjy kompaniýany birleşdirdi we bütin dünýäden ýüz müňlerçe myhmany özüne çekdi. Stambulyň amatly geografiki ýerleşişi we ulag elýeterliligi arkaly bu meýdança öňdebaryjy öndürijileriň, distribýutorlaryň we pudak hünärmenleriniň duşuşýan ýerine öwrüler.
«PETZOO Eurasia 2026» sergisine gatnaşmak kompaniýalara öz täze önümlerini görkezmäge, bäsdeşlik gurşawyna baha bermäge, brendiniň tanalmagyny ýokarlandyrmaga we täze eksport bazarlaryna çykmak üçin gatnaşyklary ýola goýmaga mümkinçilik berer.
Guramaçylar sebitiň zooharytlary üpjün edýän merkezi baza hökmündäki derejesini pugtalandyrmagy maksat edinýärler.
Maksatnama, gatnaşmagyň düzgünleri we bellige alnyş baradaky jikme-jik maglumatlar serginiň resmi saýtynda elýeterlidir: https://petfuari.com/.
ORIENT
