«Sanly çözgüt — 2026» bäsleşigine gatnaşýanlara arzalary tabşyrmagyň möhletleri ýatladylýar
Türkmenistanda her ýyl geçirilýän «Sanly çözgüt — 2026» startap we innowasiýa taslamalarynyň bäsleşigine taslamalary kabul etmek dowam edýär. Türkmenistanyň Aragatnaşyk ministrligi programmistlerden we işläp düzüjilerden arzalary ýörite onlaýn platformanyň üsti bilen 2026-njy ýylyň 1-nji oktýabryna çenli kabul edýär.
Esasy ugurlar: emeli aň, robototehnika, «akylly» oba hojalygy, Smart City, bilim tehnologiýalary, sanly lukmançylyk we hyzmatlar ulgamy.
Gatnaşmagyň görnüşi: taslamalar şahsy awtorlardan ýa-da üç adamdan köp bolmadyk toparlardan kabul edilýär.
Başlangyjynyň maksatlary: geljegi uly IT hünärmenlerini ýüze çykarmak we 2026–2028-nji ýyllar üçin ösüş Konsepsiýasynyň çäklerinde ykdysadyýetiň sanly özgerişini goldamak.
Bäsleşigiň netijeleri Aşgabatda geçiriljek «Türkmentel — 2026» atly halkara serginiň we maslahatyň dowamynda jemlener. Iň gowy sanly çözgütleriň awtorlary diplomlar we gymmat bahaly sowgatlar bilen sylaglanar.
