Marvel we DC blokbasterleriniň saundtrekleri Tahir Ataýewiň orkestriniň ýerine ýetirmeginde ýaňlanar
Aşgabatda meşhur supergahryman älemlerine bagyşlanan giň gerimli simfoniki tomaşa geçiriler. 17-nji sentýabrda Tahir Ataýewiň ýolbaşçylygyndaky sazandalar topary (Tahir Atayev Orchestra) «MARVEL vs DC» atly täze maksatnamany hödürlär.
Sazandalar tomaşaçylary blokbasterleriň ajaýyp atmosferasyna alyp gidip, iki sany öňdebaryjy kino we komiks äleminiň baş gahrymanlarynyň başdan geçirmelerini bezeýän meşhur saundtrekleri janly ýerine ýetirerler — Spider-Mandan we Tordan başlap, Batmana çenli.
Millionlarça tomaşaça tanyş bolan saz temalary güýçli simfoniki aranžirowkada ýaňlanyp, bu agşamy ýagşylygyň, güýjüň we superukyplylygyň sazlaşykdaky özboluşly bäsleşigine öwürer.
Konsert sagat 19:00-da başlanýar.
Biletleri şu telefon belgileri arkaly satyn alyp bolýar:
55-90-15, +993 62 532871
