«Ýeňijiler milleti»: Tokaýew gazagystanlylarda optimizmi we özüne bolan ynamy terbiýelemäge çagyrdy
Gazagystanyň Prezidenti Kasym-Žomart Tokaýew Respublikan mugallymlar maslahatynda çykyş edip, ýaş nesilde güýçli, döredijilikli häsiýeti kemala getirmegiň zerurdygyny belledi. Döwlet baştutany ýurduň geçmişdäki ýeňlişleriň we başa barmadyk işleriň sebäplerini gözlemän, eýsem özüne ynamly raýatlary terbiýelemelidigini nygtady.
Kasym-Žomart Tokaýew jemgyýetde üstünlik, zähmetsöýerlik we optimizm medeniýetini ösdürmegiň möhümdigini belledi. Onuň sözlerine görä, gelejege umyt bilen garaýan ýaşlar hut özi ösüşiň esasy hereketlendiriji güýji bolup çykyş edýär.
Prezident ýaşlary apatiýadan, göwünçökgünlükden we «hemişe gynanýan millet» keşbinden halas etmäge çagyrdy. Munuň ýerine, islendik kynçylyklary ýeňip geçmäge ukyply we öz güýjüne berk ynanýan öňdebaryjy nesli terbiýelemek bilim ulgamynyň esasy wezipesi bolmalydyr.
«Biz — ähli kynçylyklary we howplary ýeňip geçmäge taýýar bolan, diňe öňe tarap ynam bilen garaýan ýeňijiler milletidiris» diýip, döwlet baştutany mugallymlary agzybir we hukuk jemgyýetini gurmakda esasy direg diýip atlandyryp sözüni jemledi.
ORIENT
