Apple kameraly AirPods taýýarlaýar: çykarylyşy eýýäm şu güýzde bolup biler
Apple AirPods gulaklyklaryna kameralar we emeli aň goşup, gajetler dünýäsinde täze ädim ätmäge taýýarlanýar. Bilermenler ozal bu tehnologiýanyň diňe 2027-nji ýylda peýda bolmagyna garaşýardylar, emma B790 kod ady bilen işlenip taýýarlanylýan täze önüm eýýäm şu güýzki tanyşdyryş dabarasynda hödürlenip bilner.
Täze işläp taýýarlama barada nämeler belli?
Bloomberg-iň analitigi Mark Gurmanyň maglumatlaryna görä, Apple birbada tehnologiki taýdan ösen gulaklyklaryň iki görnüşiniň üstünde işleýär:
• B790 modeli — çykarylmaga taýýar model. Işläp taýýarlaýjylar onuň yzlaryny iOS operasion ulgamynyň kodundan hem tapdylar;
• B798 modeli — has kämil görnüş. Onuň işlenip taýýarlanylmagy üçin ýene birnäçe ýyl gerek bolar.
Gulaklyklara kameralar näme üçin gerek?
AirPods-daky kameralar Apple-iň emeli aň ulgamynyň işlemegi üçin ulanylar. Gulaklyklar daş-töwerekdäki dünýäni skanirläp, ulanyja ugur tapmakda, zatlary tanamakda we hakyky wagt tertibinde kontekst boýunça maslahatlar bermekde kömek edip biler.
Dizaýn we howpsuzlyk
Daşky görnüşi boýunça AirPods adaty görnüşini saklar, emma sensorlary ýerleşdirmek üçin sapaklary birneme uzyn bolup biler. Gizlin surata düşürmegiň öňüni almak üçin Apple LED görkezijilerini goşar: kameralar işjeňleşip, maglumatlary buluda geçirýän wagty bu görkezijiler ýanyp durar.
ORIENT
