Tenge dünýäde iň çalt gymmatlanýan walýutalaryň birine öwrüldi
Gazagystanyň milli walýutasy bolan tenge 2026-njy ýylyň başyndan bäri ABŞ-nyň dollaryna görä iň köp gymmatlanan walýutalaryň biri boldy. RIA Nowosti agentliginiň birža maglumatlaryna esaslanan seljermesine görä, ýylyň ilkinji alty aýynda tengäniň hümmeti dollara garşy 4,22 göterim ýokarlandy.
Bu görkeziji bilen gazak walýutasy dünýäde bäşinji orny eýeledi. Ondan öňde dollara garşy 9,02 göterim gymmatlanan Kolumbiýanyň pesosy, 6,59 göterim ýokarlanan Ysraýylyň şekeli, 5,91 göterim gymmatlanan Braziliýanyň realy we 5,55 göterim ýokarlanan Wengriýanyň forinti ýerleşdi.
ABŞ-nyň dollaryna garşy gymmatlanan walýutalaryň hataryna Russiýanyň rubly hem girdi. Ol ýylyň başyndan bäri 0,61 göterim berkedi.
Şol döwürde iň köp hümmetini ýitiren walýuta Türkiýäniň lirasy boldy. Ol dollara garşy 7,91 göterim arzanlady. Şeýle hem Şri-Lankanyň rupiýasy 7,81 göterim, Günorta Koreýanyň wony 7,06 göterim, Indoneziýanyň rupiýasy 6,67 göterim we Rumyniýanyň täze leýi 5,74 göterim pese gaçdy.
