Oriented on making people closer

Aziýa ösüş bankynyň (AÖB) Dolandyryjylar geňeşi Ýaponiýanyň premýer-ministriniň ýörite geňeşçisi we maliýe ministri Masato Kandany AÖB-yň 11-nji prezidenti hökmünde saýlady.

Ol 2025-nji ýylyň 24-nji fewralynda wezipesine girişip, 2026-njy ýylyň 23-nji noýabryna çenli bu wezipäni eýelär.

“Masato Kandaň halkara maliýe ulgamyndaky baý tejribesi hem-de köptaraplaýyn guramalardaky liderligi AÖB-a ählumumy ykdysady çagyryşlary ýeňip geçmäge we halkara hyzmatdaşlyga ýardam eder” – diýip, AÖB-yň Dolandyryjylar geňeşiniň başlygy we Italiýa Bankynyň dolandyryjysy Fabio Panetta belläp, AÖB-yň Dolandyryjylar geňeşiniň ýapon wekili bilen hyzmatdaşlyk etmäge garaşýandygyny aýtdy.

Masato Kanda, öz gezeginde, Ýaponiýanyň baş wekili hökmünde halkara hyzmatdaşlygyň ösdürilmeginde esasy orun tutjakdygyny beýan etdi.

Masato Kandaň maliýe we makrofiskal syýasatlarynda baý tejribesi bar. Ozal ol Maliýe hyzmatlar agentliginiň komissarynyň orunbasary, Býujet býurosynyň baş direktoryň orunbasary hem-de syýasaty meýilnamalaşdyrmak we utgaşdyrmak boýunça ministriň orunbasary wezipelerinde işledi. Şeýle-de, ol bilim syýasatynda we ylmy özgertmelerde, şol sanda uniwersitet özgertmelerinde tanymal bilermen hasaplanylýar.

ORIENT news

Photo: 3.nhk.or.jp