Biz ýakynlaşmagy ugur edinýäris

Mazari-Şarif şäherindäki Türkmenistanyň Baş konsuly Bazarbaý Käbäýew Owganystanyň Balh welaýatynyň gubernatory bilen geçirilen duşuşygynda TOPH taslamasynyň durmuşa geçirilmegi, Türkmenistandan Owganystana elektrik energiýasynyň import edilmegi, iki ýurduň arasyndaky demirýoluň işledilmegi, oňaýly ykdysady gatnaşyklaryň ýola goýulmagy we söwdagärler üçin şertleriň döredilmegi iki tarapyň tagallalary bilen ösdürilýändigi barada belledi diýip, Owganystanyň “AVA” agentligi habar berýär.

Türkmenistanyň Owganystanyň energetika taslamalaryna ýardam etjekdigi hem-de umumy serhet bilen berkidiljek söwda, üstaşyr, ykdysady gatnaşyklaryň ösdüriljekdigi barada Käbäýew belledi.

Balh welaýatynyň gubernatory Mohammad Ýusuf Wafa öz gezeginde Owganystanda maýa goýumlar we daşary ýurt hyzmatdaşlar bilen söwda üçin oňaýly esasyň emele gelýändigi barada belledi. Owganystanyň ähli serhet nokatlarynda eksport we import harytlaryň hilini barlamak üçin niýetlenen häzirki zaman enjamlaryň ornaşdyrylandygy barada belläp, ol iki ýurduň arasynda düzgünleriň aňsatlaşdyrmagy bilen söwda möçberini ýokarlandyrmak mümkindigi barada aýratyn belläp geçdi.

Agentligiň habarynda duşuşyga ýerli ýokary wezipeli adamlaryň, şol sanda Owganystanyň Nebit-gaz söwdagärleriň milli birleşiginiň başlygy Seýýed Karim Haşeminiň gatnaşandygy barada habar berýär.

ORIENT news

Foto: avapress.com