Türkmen gazyny Eýranyň üsti bilen Azerbaýjana çalyşmak esasynda (swap) ibermegiň üstünlikli tejribesini göz öňünde tutup, resmi Tähran Türkmenistandan mawy ýangyjy goňşy ýurtlara üstaşyr ibermegini giňeltmäge taýýar.

Bu barada EYR-niň daşary işler ministriniň ykdysady diplomatiýa boýunça orunbasary Mehdi Safari türkmen hökümetinde ýangyç-energetika toplumyna gözegçilik edýän wise-premýer Şahym Abdrahmanow bilen duşuşygynyň dowamynda beýan etdi diýip, Mehr habarlar agentligi ýazýar.

Duşuşykda iki ýurduň üstaşyr kuwwatyny amala aşyrmak üçin Eýranyň üsti bilen ýurduň Bender-Apbas we Çabahar ýaly günorta portlaryna çykmaga Türkmenistana mümkinçilik bermek meselesi hem ara alnyp maslahatlaşyldy.

ORIENT news