Tramp Hytaýa saparyny jemläp, Pekinden ugrady
15-nji maýda, günortandan soň ABŞ-nyň Prezidenti Donald Tramp Hytaý Halk Respublikasynyň Başlygy Si Szinpiniň çakylygy boýunça geçirilen üç günlük döwlet saparyny jemläp, Pekinden ABŞ-na ugardy.
Hytaýyň Kommunistik partiýasynyň Merkezi komitetiniň Syýasy býurosynyň agzasy we daşary işler ministri Wan I howa menzilinde Trampy ugratdy.
Mundan ozal Hytaýyň we ABŞ-nyň baştutanlary Pekindäki Çunnanhaýda dar düzümde duşuşyk geçirdiler. Onda Amerikan prezidenti ony bu ýere çagyrandygy üçin Si Szinpine minnetdarlygyny bildirip, döwlet saparynyň bütin dünýäniň ünsüni özüne çekendigini belledi hem-de ony örän üstünlikli we ýatdan çykmajak waka hökmünde häsiýetlendirdi. Tramp Başlyk Si Szinpini Waşingtonda (Kolumbiýa okrugy) kabul etmäge sabyrsyzlyk bilen garaşýandygyny aýtdy.
14-nji maýda ir bilen Si Szinpin Pekindäki Halk ýygnaklary öýünde Tramp bilen gepleşikleri geçirdi, şondan soň iki lider Asman ybadathanasyna zyýarat etdi. Munuň yz ýanyndan Si Szinpin Trampyň hormatyna kabul ediş dabaraly naharyny gurady. Bu, 2017-nji ýylyň noýabrynda Si Szinpiniň Trampy Pekinde kabul etmeginden soň, ABŞ prezidentiniň takmynan dokuz ýyldan bäri Hytaýa ilkinji sapary boldy.
