Arkadag şäheri bütindünýä forumynda özüniň tanyşdyrylyşyna taýýarlyk görýär
2-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyrdy we gurluşygyň ikinji tapgyrynyň durmuşa geçirilişi bilen tanyşdy.
Gurluşygyň ikinji tapgyrynda metjit we onuň ýanyndaky muzeý toplumy aýratyn orun tutýar. türkmen halkynyň Milli Lideri bu ruhy we medeni merkezleriň gurluşygynyň pederlerimiziň däplerini innowasion tehnologiýalar bilen utgaşdyrmagy talap edýändigini, metjidiň töwereginde abadanlaşdyrylyş işleriniň bolsa ýerli tebigy aýratynlyklary nazara almak bilen, berk ylmy esasda alnyp barylmalydygyny nygtady.
Türkmenistanyň Halk Maslahatynyň Başlygy şeýle desgalaryň bezeg işlerinde we taslamalarynyň düzülmeginde hiliniň dünýä standartlaryna laýyk gelmelidigini, sanly ulgamlaryň bolsa gurluşygyň ähli tapgyrlaryna ornaşdyrylmalydygyny belledi.
Ikinji tapgyryň durmuş ugurlylygy özüniň gerimi bilen haýran galdyrýar. Birinji tapgyrda 7 müňden gowrak maşgala ýaşaýyş jaýy bilen üpjün edilen bolsa, häzirki wagtda ýene-de 4284 maşgala üçin niýetlenen öýleriň gurluşygyna taýýarlyk görülýär. Ähli jaýlar suwuň, gazyň we elektrik energiýasynyň rejeli ulanylmagy üçin sanly ulgamlar bilen enjamlaşdyrylýar.
şäherde bilim alýan talyplar üçin birnäçe talyp haklaryny girizmek teklip edildi, bu bolsa ýokary tehnologiýalary özleşdirmekde goşmaça höweslendirme bolar.
Iş saparynyň möhüm netijesi, Baku şäherinde geçiriljek Şäherleriň Bütindünýä Forumynyň (UN-Habitat) 13-nji mejlisine Arkadag şäheriniň wekilýetiniň gatnaşmagy baradaky meseleleriň ara alnyp maslahatlaşylmagy boldy. Türkmenistanyň halkara güwänamalary bilen tassyklanan ilkinji “akylly” şäheriniň tejribesi bu ähmiýetli forumda ýurdumyzyň esasy görkeziljek nusgasy bolar. Bu ýerde synagdan geçirilen innowasiýalar ýurdumyzyň halkara binagärlik we tehnologik giňişliginde mynasyp orun almagyny üpjün etmäge gönükdirilendir.
