Aprel bosagada: Türkmenistanda howa nähili bolar?
Aprel aýynda Türkmenistanyň köp böleginde howa kadasyna ýakyn temperatura derejesi çaklanylýar. Howa hünärmenleriniň çaklamalaryna görä, yza süýşmeler -1 - +1ºC bolar. Käbir etraplarda temperatura kadadan 1-2 ºC ýokary bolup biler.
Meňzeş ýagdaý ýagynlar bilen hem baglanyşykly. Köp sebitlerde olaryň möçberi ortaça köp ýyllyk görkezijileriň derejesinde saklanar.
Ýurdumyzyň paýtagty Aşgabat şäherinde apreliň ortaça aýlyk temperaturasy +17,6 ºC bolar. Gözegçiligiň taryhynyň dowamynda iň pes görkeziji 1956-njy ýylda hasaba alnyp, -0,8 ºC boldy. Iň ýokary görkeziji bolsa 2025-nji ýylda +40,6 ºC derejesinde boldy.
2020-nji ýylda aprel aýynyň temperaturasy taryhy minimuma golaýlady: 9-njy aprelde bary-ýogy +1,5 ºC boldy. Bu bolsa ýylyň bu döwri üçin seýrek gelýän görkeziji.
Paýtagtymyzda ortaça aýlyk ýagynlar derejesi 28 mm. Eger-de aprel ozal ýylda ýagynlar möçberi boýunça ikinji orny eýelän bolsa, soňky onýyllyklaryň dowamynda bu ýeri fewral aýyna berip, üçünji orna geçdi.
