Aragatnaşyk ministrliginiň Politehniki orta hünär okuw mekdebinde Nowruz baýramy mynasybetli dabaraly çäre geçirildi
Türkmenistanyň Aragatnaşyk ministrliginiň Politehniki orta hünär okuw mekdebinde Nowruz baýramy mynasybetli dabaraly çäre geçirildi.
Nowruz baýramy – Milli bahar baýramy mynasybetli ýurdumyzda giň gerimli geçirilýän dabaralaryň çäklerinde Türkmenistanyň Aragatnaşyk ministrliginiň Politehniki orta hünär okuw mekdebinde hem aýdym-sazly dabaraly çäre guraldy.
Dabaraly çärä aragatnaşyk pudagynda zähmet çekýän hünärmenler we Politehniki orta hünär okuw mekdebiniň mugallymlarydyr, talyp ýaşlary gatnaşdylar.
Taýýarlanan milli tagamlar we talyp ýaşlaryň ýerine ýetirmeginde ýaňlanan aýdym-sazlar halkymyzyň agzybirligini we parahatçylyk söýüjilik ýörelgelerini ýene bir gezek dabaralandyrdy.
Baýramçylyk dabarasyna gatnaşan mugallymdyr, talyp ýaşlara Politehniki orta hünär okuw mekdebi tarapyndan ýurdumyzda geçirilýän çärelere işjeň gatnaşyp, baýrakly orunlara mynasyp bolmaklary mynasybetli Hormat hatlary we ýadygärlik sowgatlary gowşuryldy.
