Hytaý ýokary berklikli uglerod süýümini işläp taýýarlady

Hytaý ýokary berklikli uglerod süýümini işläp taýýarladyHepdäniň çarşenbe güni Hytaýda özbaşdak işlenip taýýarlanan, ýokary berkligi bolan uglerod süýümi köpçülige tanyşdyryldy. Bu täzelik ýurduň ösen materiallar pudagynda möhüm öňegidişligi alamatlandyryp, dünýä bazaryndaky ýetmezçiligi aradan aýyrýandyr.

T1200 derejeli uglerod süýüminiň diametri adam saçynyň diametrinden on esse inçe bolup, onuň çekiş berkligi adaty polatdan 10 esse töweregi ýokarydyr. Bu uglerod süýüminiň dykyzlygy poladyň dykyzlygynyň diňe dörtden bir bölegine deňdir.

Täze material Hytaýyň Milli gurluşyk materiallary topary tarapyndan işlenip taýýarlanyp, häzirki wagtda barlaghana – synag derejesinden geçip, senagat möçberinde öndürilip başlandy. Şeýlelikde, Hytaý bu derejeli uglerod süýümini ýüzlerçe tonna möçberinde köpçülikleýin öndürmegi başaran ilkinji ýurt boldy.

Ýokary tehniki aýratynlyklary bolan bu materialyň adam şekilli robotlarynda, älem senagatynda hem-de täze ösdürilýän pes beýiklik ykdysadyýetinde we beýleki strategik ugurlarda giňden ulanylmagyna garaşylýar.