«BASF» nemes konserni Türkmenistanyň gazhimiýa taslamalaryna gatnaşygyny giňeldýär
Aşgaýatda «Türkmengaz» we «Türkmennebit» döwlet konsernleriniň ýolbaşçylarynyň «BASF Intertrade AG» kompaniýasynyň işewürligi ösdürmek boýunça ýolbaşçysy Wiktor Nikitin bilen gepleşikleri geçirilýär. Nemes himiýa pudagynyň öňdebaryjysynyň bähbitlerine wekilçilik edýän kompaniýa türkmen bazarynda özüniň tehnologik ornuny giňeltmek boýunça meýillerini tassyklady. Bu kompaniýanyň merkezi edarasy Şweýsariýanyň Zug şäherinde ýerleşýär.
Taraplar özara bähbitli gatnaşyklary giňeltmäge taýýardyklaryny, şeýle hem nebitgaz pudagynda hyzmatdaşlygy çuňlaşdyrmaga uly gyzyklanma bildirýändiklerini beýan etdiler.
Tebigy gazy iň ýokary netijelilik bilen arassalamaga, şol bir wagtyň özünde bolsa energiýa sarp edilişini we ekologiýa düşýän agramy azaltmaga mümkinçilik berýän patentleşdirilen «OASE®» tehnologiýasynyň ornaşdyrylmagy hyzmatdaşlygyň täze tapgyryna öwrülip biler.
Enjamlary ibermekden başga-da, «BASF Intertrade AG» kompaniýasy Aşgabada toplumlaýyn tehniki goldaw hyzmatyny, işgärleri okatmagy we uglewodorodlary ýokary goşulan bahaly taýýar önümlere çuňňur gaýtadan işlemek boýunça täze uly göwrümli taslamalar üçin maslahat beriş hyzmatlaryny hödürlemäge taýýardyr.
