Ural Music Night 2026 festiwaly bütin dünýäniň artistleri üçin arzalaryň kabul edişligini açdy
Russiýanyň iň uly köpformatly saz festiwaly — Ural Music Night — dünýäniň dürli ýurtlaryndan sazandalaryň we tansçylaryň kabul edilýändigini yglan etdi. 2026-njy ýylyň iýunynda Ýekaterinburg şäheri ýene-de ýüzlerçe zehinli ýerine ýetirijileri birleşdirýän ägirt uly konsert meýdançasyna öwrüler.
Ural Music Night ýaş hem-de professional ýerine ýetirijiler üçin uly tomaşaçy köpçüliginiň öňünde çykyş etmek mümkinçiligidir. Geçen ýyl festiwala 450 müň tomaşaçy gatnaşdy, üç dilde alnyp barylan onlaýn ýaýlymy bolsa 7 milliondan gowrak adam gördi. 2026-njy ýylda 100-den gowrak meýdança ulanmak meýilleşdirilýär: rahat barlardan we teatrlardan başlap şäher seýilgählerine hem-de meýdançalaryna çenli.
Festiwala gatnaşmak artistlere diňe bir sahna däl, eýsem pudagyň öňdebaryjy wekilleri bilen göni aragatnaşyk mümkinçiligini berýär. Arzalary 130-dan gowrak aýdym-saz bazarynyň bilermeni seljerýär, bu bolsa zehinlere professional baha almak hem-de esasy saýlama tapgyryndan daşary hem prodýuserleriň ünsüni çekmek mümkinçiligini döredýär.
Bu ýyl guramaçylar gatnaşyjylaryň haýyşy boýunça žanr dürlüligini giňeldip, meşhur “indi ugruny” aýratyn kategoriýa hökmünde goşdular. Taslamanyň 11 ýyllyk taryhynda täze artistler sahnany Feduk, Therr Maitz, Klawa Koka ýaly hit-paradlaryň ýyldyzlary bilen paýlaşyp, uly tejribe we abraý gazandylar.
Nädip gatnaşmaly?
Arzalar ähli žanrdaky sazandalar we tans toparlardan 2026-njy ýylyň 11-nji martyna çenli kabul edilýär. Hasaba alyş festiwalyň resmi saýtynda açykdyr. Taslama döwlet gaznalarynyň we şäher dolandyryşynyň goldawy bilen geçirilýär we sebitiň iň möhüm medeni wakalarynyň biri hökmünde ykrar edilýär. Bu gije saz şäheriň ähli künjeginde ýaňlanyp, ýurtlaryň we stilleriň arasyndaky araçäkleri ýok eder.
ORIENT
