«Feel Korea!»: türkmen talyplary Günorta Koreýada dil tejribesini geçýärler
19-njy ýanwardan 2-nji fewrala çenli koreý dili mugallymy A.Seýitberdiýewa we Döwletmämmet Azady adyndaky Türkmen milli dünýä dilleri institutynyň talyplary ««Feel Korea! with KNU» atly gysga möhletleýin maksatnama gatnaşýarlar. Maksatnama boýunça okuwlar Kangwon milli uniwersitetiniň binýadynda Seul we Çhunçhon şäherlerinde geçirilýär.
Tejribelik uniwersitetleriň arasyndaky hyzmatdaşlyk baradaky Ähtnamanyň çäklerinde guraldy. Saparyň esasy maksady — amaly aragatnaşyk başarnyklaryny ösdürmekdir. «Pedagogiki bilim» maksatnamasy boýunça okaýan talyplar gündelik sapaklara gatnaşýarlar, şol sapaklarda söz we ýazuw aragatnaşyk başarnyklaryny kämilleşdirýärler, koreý dilinde gündelik gürrüňdeşlikde tejribe geçirýärler we çylşyrymly sözleriň ýazuwyny öwrenýärler.
Maksatnama milli muzeýlere baryp görmek we Koreýa Respublikasynyň tebigy gözellikleri bilen tanyşmak hem girýär. Halkyň taryhy mirasy we ýaşaýyş-durmuşy bilen gönüden-göni gatnaşyk geljekki dilçilere öwrenýän diliniň inçeligine has çuňňur düşünmäge kömek edýär.
Tebigy dil gurşawynda öwrenmek — bu dili çalt özleşdirmek üçin güýçli höweslendiriji faktor bolup durýar. Bu halkara tejribe talyplaryň dünýägaraýşyny giňeldýär we olaryň ýokary hünärli, dünýä derejesindäki hünärmenler bolup ýetişmegine ýardam edýär.
ORIENT
