Windows 10 bilen hoşlaşyk — ýanwar täzelenmesi köne enjamlary öçürýär
TEHNO-BELEDI | ORIENT. «Onluk» döwri resmi taýdan tamamlandy, emma Microsoft heniz täze ulgama geçmedik ulanyjylary goramak üçin howpsuzlyk patchlaryny çykarmagy dowam etdirýär. 2026-njy ýylyň ýanwary awtomatiki KB5073724 täzelenmesini getirdi, ol goragdan başga-da köne kompýuterleriň eýeleri üçin möhüm üýtgeşmeleri öz içine alýar.
Näme üýtgedi?
Windows 10 indi täze funksiýalar bilen baýlaşdyrylmaýar — indi işläp düzüjiler diňe howpsuzlyk gowşaklyklaryny ýapmaga üns berýärler.
Howpsuzlyk:
Ulgamyň möhüm komponenti — WinSqlite3.dll täzelendi. Bu täzelenme käbir antiwirus programmalarynyň ulgam faýllaryny howp hökmünde ýalňyş tanamagyna sebäp bolan näsazlyklary aradan aýyrýar.
Köne enjamlardan ýüz öwürmek:
Patch köne içki modemler üçin ( agrsm we smserial seriýalary) draýwerleri doly aýyrýar. Eger internet birikmäňiz şeýle modeme bagly bolsa, täzelenmeden soň ol işlemegini bes eder.
Täzelenmäni nädip almaly?
Prosess mümkin boldugyça ýönekeýleşdirilen. «Täzelenmeler sişenbesiniň» çäginde bukja awtomatiki gurlar. Goragy derrew barlamak isleseňiz, sazlamalarda Windows täzelenmeler merkezi bölümine giriň we «Täzelenmeleri barla» düwmesine basyň.
Ýatlatma:
Microsoft 2025-nji ýylyň 14-nji oktýabryndan başlap Windows 10 üçin resmi goldawy bes etdi. Ýanwar patchlary howpsuzlyk çäreleri bolup durýar, emma durnukly we çalt işlemek üçin hünärmenler Windows 11-e ýa-da häzirki LTSC wersiýalaryna geçmegi maslahat berýärler.
