Gidrometeorologiýa gullugy ýurduň welaýatlarynda howa temperaturasynyň peselmegi barada duýdurdy
Şu hepdäniň dowamynda Türkmenistanyň birnäçe welaýatynda gije howa temperaturasynyň −8 gradusa çenli peselmegine garaşylýar. Bu barada «Türkmenistan» gazetinde çap edilen Gidrometeorologiýa gullugynyň howa maglumatynda habar berilýär.
Aşgabatda üýtgäp durýan bulutly howa garaşylýar. Gündogar we demirgazyk-günbatar ýeli 11–16 m/s çenli güýçlener. Gije temperatura −3…+5 gradus aralygynda bolup, gündiz howanyň +6…+15 gradusa çenli gyzmagyna garaşylýar.
Balkan welaýatynda üýtgäp durýan bulutly howa dowam eder, hepdäniň ahyrynda ýagynlaryň ýagmagy mümkin. Şemalyň tizligi 8–17 m/s bolar. Gije howanyň temperaturasy −3…+2 gradus, gündiz +12…+17 gradus, kenar ýerlerde +7…+12 gradus bolar.
Ahal welaýatynda üýtgäp durýan howa bolar, gündogar we demirgazyk-günbatar şemaly 17 m/s çenli güýçlener. Gije howa temperaturasy −4…+6 gradus, gündiz +5…+18 gradus bolar.
Mary welaýatynda hem üýtgäp durýan bulutly howa garaşylýar. Şemal demirgazyk-günbatar tarapdan günorta-gündogar tarapa üýtgäp, 11–16 m/s çenli bolar. Gije howa temperaturasy −4…+8 gradus, gündiz +4…+18 gradus bolar.
Lebap welaýatynda gije howanyň temperaturasynyň iň pes derejede bolmagyna garaşylýar — −8 gradus çenli. Gündiz howa +2…+17 gradus aralygyna ýetip biler, üýtgäp durýan bulutly we 16 m/s çenli şemally bolar.
Daşoguz welaýatynda hepdäniň ahyrynda ýagyş ýagmagy mümkin. Şemal ugruny üýtgedip, tizligi 11–16 m/s çenli bolar. Gije temperatura −8 gradus, gündiz −3…+10 gradus aralygynda bolar.
ORIENT
