"Arkadag" futbol kluby Bahreýniň "Al-Haldiýa" toparyny 1:0 hasabynda ýeňdi
24-nji dekabrda "Watan" habarlar gepleşiginde habar berlişi ýaly, Türkmen halkynyň Milli Lideriniň başlangyjy bilen binýat bolan döwrebap innowasion «Arkadag» şäherinde geçirilen duşuşyk hünärmenleriň, tälimçileriň üns merkezinde boldy.
Gyzykly hem çekeleşikli bolan oýnuň birinji ýarymynda ildeşimiz Ýazgylyç Gurbanow ezberlik bilen hasaby açmagy başardy. Oýun 1:0 hasabynda «Arkadag» toparynyň üstünligi bilen tamamlandy. Abraýly baýrak ugrundaky ýaryşda ildeşlerimiziň hem-de Bahreýnli futbolçylaryň çekeleşikli duşuşygy oýnuň gyzykly häsiýetini üpjün etdi. «Arkadag» toparynyň halkara duşuşygynda gazanan bu ýeňşi Täze ýyl baýramyna özboluşly sowgat boldy.
Mälim bolşy ýaly, deslapky oýunlarda «B» toparçada «Arkadag», Özbegistanyň »Andižan» Bahreýniň «Al-Haldiýa», Kataryň » Al-Ahli» toparlary çykyş etdiler. «Arkadag» şäheriniň adybir toparynyň halkara ýaryşlaryndaky üstünlikli çykyşlary futbol jemgyýetçiliginde uly seslenme döredýär.
ORIENT
